佐敦隱世Cafe推介！異國風味秘魯菜！Cafe REVOL

Cafe REVOL係喺佐敦一個寧靜住宅區嘅咖啡店，附近環境好清靜，幽雅。Cafe 外觀好有獨特色彩，有個好靚嘅塗鴉牆喺門口，而且仲係個戶外座位區，可以畀人坐喺半露天坐位食嘢，感覺好chill。店內嘅裝修係工業風設計，門口牆身畫有壁畫寫咗 “why so serious” 仲擺咗好多手工藝品，好感覺到cafe 跳脫嘅外國風情感🗺️♥️。 ～ 秘魯瑪卡牧場 $138 呢個叫秘魯瑪卡牧場嘅秘魯料理有啲似all day breakfast，食材好多好豐富，包括咗好特別嘅鷹嘴豆雜菜沙律、粟米、法邊豆、粟米蓉，仲有好香嘅烤墨魚串😍。面包烘到外脆內軟，撒咗香料喺上面，麵包食落好有異國風味嘅味道😋。個人最中意係個燒墨魚串，燒到金黃色嘅表面淋咗香草醬喺上邊🤤。墨魚厚身，口感彈牙，夾埋個有少少辣嘅醬食，又惹味又好食😋！ ～ Flat white $42 聽講呢度咖啡好好飲，所以叫咗一杯Flat white。咖啡飲落好香濃，因為揀咗fruity口味，所以好有果香但又不會太酸，咖啡唔太苦又有回甘。同奶嘅比例啱啱好，喝落好順滑，真係好好飲！ Cafe REVOL 📍佐敦德成街4-16號富裕臺地下5號舖 推介程度：❤️❤️❤️❤️❤️ #文青#咖啡#秘魯菜#異國風情#REVOL#coffee#cafe#隱世#日式#工業風 #佐敦#熱門菜式#打卡#攻略#chill#週末#下次要再食#隱世打卡點#打卡美食#好去處#UCreator